Os integrantes da coral Vento Mareiro de Nueva York participan na inauguración do Centro Galego de Puerto Rico.
Galegos e emigrantes de outros puntos de España en Puerto Rico participaron o pasado fin de semana en diversos actos que estiveron amenizados pola música del coro Vento Mareiro, integrado por unha treintena de persoas da Casa de Galicia en Nueva York.
O sabado 23 de xaneiro actuaron no restaurante Siglo XX do vello San Juan, cuio propietario é galego, nunha cea para máis de 150 emigrantes, entre eles o cónsul de España en Puerto Rico, Carlos Vinuesa, a presidenta do Centro Asturiano, o do Centro Gallego, José Gomez, e outras autoridades puertoriqueñas. A actuación abriuse co tema «Fisterra, ao que seguiron os discursos das autoridades e presidentes de centros. Un dos momentos máis emotivos da xornada foi cando as mulleres do coro interpretaron varias cancións, vestidas de galegas.
Os integrantes do coro neoyorquino participaron o domingo na inauguración do Centro Galego de Puerto Rico, onde cantaron todo o repertorio galego. O secretario xeral de Emigración, Santiago Camba, acudiu ao acto, onde ademáis se recitou unha poesía de Ramón Cabanillas, que emocionou aos asistentes.