(04/02/2010)
Bruxelas acolle o ciclo 'As migracións galegas e o audiovisual: Camiños cara a América e Europa'
EUROPA PRESS - SANTIAGO DE COMPOSTELA - 03-02-2010 Bruxelas acollerá desde mañá, xoves, o ciclo 'As migracións galegas e o audiovisual: Camiños cara a América e Europa', que se centra nunha manifestación cultural insólita que só existiu na emigración galega, un xénero cinematográfico destinado a mitigar a 'morriña' dos emigrantes.
Imaxe de emigrantes galegos no porto da Coruña.
Neste proxecto colabora a Consellería de Cultura e Turismo no ámbito do financiamento xunto con outras entidades galegas, como o Centro Galego e a Fundación Galicia Europa con sede en Bruxelas, ademais do servizo de Cultura do Concello de Saint Gilles.
Deste xeito, a capital belga, como cidade receptora de emigrantes galegos durante a segunda metade do século XX, albergará un 'intenso' programa cultural, segundo destacou a Xunta, no que terán cabida todo tipo de manifestacións artísticas, como unha conferencia de análise sobre este xénero específico, un debate de mulleres emigrantes, a inauguración dunha exposición e un concerto.
O ciclo terá lugar na 'Maison deas Cultures' de Bruxelas, coincidindo este ano cun importante acontecemento para a cultura galega no ámbito comunitario e internacional, como é o Xacobeo 2010. Todos os actos culturais relacións coa migración na capital serán de entrada gratuíta e libre.
En total, proxectaranse catro películas mudas, dúas en versión orixinal en español e oito en galego, e todos eles terán subtítulos en francés.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas