O secretario xeral de Emigración da Xunta, Santiago Camba, viaxará este fin de semana a Chile para interesarse pola situación da colectividade galega no país. Camba, que tiña previsto unha viaxe a Buenos Aires para esta semana, desprazarase o sábado e o domingo a Santiago e a Valparaíso, cidades nas que reside a maior parte da colectividade galega en Chile.

Fuentes da secretaría xeral indicaron onte que o departamento mantén contactos cos catro centros galegos que hai en Chile, aínda que matizaron que as comunicacións están a ser complicadas.

A Lareira Galega de Chile enviou o luns pola tarde á Xunta un correo electrónico no que os seus responsables afirmaban que, ata o momento, non se tiña noticia de que ningún galego resultase afectado polo terremoto.

Emigración atópase en contacto permanente co cónsul español en Santiago de Chile, Víctor Luis Fagilde.