Mato, coa terceira idade da diáspora

A conselleira de Traballo e Benestar, Beatriz Mato -na imaxe, con residentes do centro de maiores de Domselaar, en Buenos Aires-, asinou onte e o sábado senllos convenios de cooperación con dúas institucións galegas de Arxentina e outra de Uruguai que prestan asistencia aos maiores da diáspora. Os beneficiarios son o centro citado, o Centro Galego de Mar do Prata e o Fogar Español de Anciáns de Montevideo. O importe total dos convenios alcanza os 100.000 euros.