O irmandamento entre Guerledan e Sarria chega á Rede

O espazo que comparten na Rede é guerledan-sarria.blogspot.com e decidiron crealo na cea que celebraron na recente visita do grupo francés o pasado mes de xullo.

Os encargados de manter actualizado este espazo son os presidentes dos comités de irmandamento, Elvira Vila e Phillipe Remaud.

«Era necesario que mantivésemos un contacto habitual durante todo o ano e que a relación non se limitase ás viaxes. Ata agora só intercambiabamos as noticias que aparecían nos medios españois e franceses, polo que en moitos casos ou nos decatabamos tarde das cousas ou, en moitos casos, nin nos dabamos conta», manifestou Elvira Vila.

A idea dos impulsores desta iniciativa é que todos os que o desexen poidan participar. «Pretendemos que a xente que queira participar fágao ben sexa colocando enlaces coas súas páxinas oficiais ofertando información ou do xeito que considere necesario. É unha espazo aberto e dinámico que queremos renovar continuamente», manifestou Elvira Vila.

Na páxina tamén colgarán os eventos máis interesantes que se celebren en cada localidade. «Se damos a coñecer todas as posibilidades de cada lugar é posible que ou ben xente dun ou outro lado que estea de vacacións pola zona pode aproveitar a ocasión. Tamén se poden desprazar grupos organizados en citas puntuais á marxe da habitual viaxe de irmandamento», especificou Elvira Vila.

O seguinte paso no que a redes sociais refírese será a creación dun perfil de Facebook compartido entre Sarria e Guerledan no que galegos e bretóns poidan intercambiar experiencias. A súa posta en marcha podería ser dentro dunhas semanas.