A Concellaría de Servizos Sociais do Concello de Tui desenvolverá un curso de castelán no que participarán un total de doce mulleres estranxeiras que residen no termo municipal.

Este curso comezará hoxe martes e finalizará o próximo día 13. Esta actividade está financiada polo Ministerio de Traballo e a Secretaría Xeral de Emigración para favorecer a integración social das mulleres inmigrantes que se atopan nunha situación especial de vulnerabilidade, agravada pola barreira que supón o descoñecemento do idioma para a comunicación ou calquera actividade diaria.

Este curso vaise a realizar desde a oficina de atención a inmigrantes e emigrantes retornados, segundo informa a concelleira responsable deste área, Raquel Lorenzo Pimentel.