Cesa o secretario xeral de Emigración

(16/11/2012)

Cesa o secretario xeral de Emigración

O Consello da Xunta acepta a dimisión de Santiago Camba para incorporarse como conselleiro á Embaixada de España en Arxentina

Autor:

M. Cheda

Localidade:

Santiago de Compostela

Data

 

O Consello da Xunta aceptou na súa reunión ordinaria semanal de hoxe o cesamento a petición propia do que ata agora viña sendo secretario xeral de Emigración. Santiago Camba (Vilar de Barrio, 1960) dimite para incorporarse á Embaixada de España en Buenos Aires (Arxentina) como conselleiro de Emprego e Seguridade Social, cargo do que prevé tomar posesión antes do 26 deste mes.

O oco xerado no organigrama administrativo da comunidade por esta renuncia non será cuberto ata a designación do novo Goberno, a principios de decembro. En comparecencia de prensa, o xefe do Executivo autónomo, Alberto Núñez Feijoo, agradeceu a Camba os servizos prestados en San Caetano ao longo dos últimos tres anos e medio. «Quero recoñecer -declarou- ou seu esforzo e dedicación. [...] Agora pasa a outro destino importantísimo. [...] Deséxolle sorte».