(05/04/2013)
la voz
Aos universitarios galegos tíralles a terriña ou só así se explica que o 84 % dos que traballan fágano na propia comunidade galega. Case un 15 % están noutra autonomía española e un pequeno 1,25 % repártense entre o resto de Europa e o mundo. Aínda así, o espírito aventureiro seguramente derivado da crise creceu entre os mozos titulados galegos, xa que hai tres anos esta porcentaxe era de menos da metade, un 0,52 %.
Os titulados que non traballan, estudan ou opositan. Os que máis optan por esta segunda opción son os graduados en carreiras relacionadas con maxisterio, educación ou traballo social ou psicoloxía. Os que menos, enxeñeiros e arquitectos.
Os titulados do sistema universitario galego consideran que a capacidade para a aprendizaxe, a motivación, a competencia para resolver problemas e para comunicarse de forma oral e escrita son as cualidades mais valoradas no seu traballo. A capacidade de liderado e o coñecemento de idiomas están á cola. A creatividade tampouco é unha virtude que os egresados vexan que valoran os seus contratadores, pero a lealdade e a honestidade, si.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas