O presidente da Xunta enxalza ás comunidades do exterior como embaixadas comerciais

15 de abril de 2013

O presidente da Xunta defendeu onte en México o papel das comunidades galegas no exterior como «embaixadas comerciais de primeira orde» para axudar aos emprendedores de Galicia na procura de novos mercados e investidores. Nun encontro coa colectividade galega do país azteca, Feijoo recordou que moitos dos galegos que emigraron ao estranxeiro foron profesionais de éxito nos países que os acolleron, e que demostran a súa disposición a colaborar «nas estratexias que a Xunta está deseñando para axudar á protección económica de Galicia no exterior. Agradézovolo e conto con vós».