Festa hostaleira
Lugo Monumental celebrou onte os actos de Santa Marta, patroa dos hostaleiros, e que se suspenderon polo accidente ferroviario en Santiago. Houbo carreiras de camareiros, concursos de gin-tonics, tirado de canas, cócteles, entre outras actividades.
Viaxe sarriá a León
Os que non paran son os entusiastas membros do grupo Xacobeo Sarria que dirixe José Manuel Cela. Á marxe das súas andainas polo Camiño de Santiago, realizan numerosas excursións. Na última visitaron a cidade de León e as covas de Valporquero.
Os Juiz, na Ribeira Sacra
Unha curiosa iniciativa levou a cabo na Ribeira Sacra. Numerosas persoas co apelido Juiz, procedentes de toda España, déronse cita no sur lucense. O encontro foi promovido por Lois Manuel Juiz, natural de Ferrol e funcionario en Granada. Ao parecer a raíces histórica do apelido Juiz atópanse pola zona de Monforte e de Sarria. Pois á cita acudiron persoas de diferentes provincias.
O concerto de Susana Seivane en Pardiñas foi un absoluto éxito e un excelente colofón para o festival de Guitiriz. Ademais, a xornada dominical foi especial para a familia Seivane, xa que se rendeu homenaxe ao patriarca, Xosé Manuel, que faleceu hai un ano. Este ilustre artesán das gaitas foi precisamente o primeiro pregoeiro da exposición de instrumentos que se organiza cada ano en Pardiñas.