ferrol / a voz  14 de outubro de 2013  

Unha decena de inmigrantes participan no curso de alfabetización en lingua galega que organiza a Concellería de Benestar Social de Ferrol e que arrinca hoxe na Casa Solidaria. O curso é gratuíto, ten unha duración de trinta horas, impartirase os luns, mércores e venres, e está dirixido a inmigrantes que descoñezan a lingua galega. Aínda que as clases arrincarán hoxe, os interesados aínda poden inscribirse xa que o prazo de matrícula estará aberto durante as primeiras semanas do curso.