Un centenar de emigrantes retornados esixiron en Foz a anulación das sancións

(30/10/2013)

Un centenar de emigrantes retornados esixiron en Foz a anulación das sancións

Concentráronse ante a delegación de Facenda

 

Recollida de firmas en Foz contra as sancións a emigrantes Maria Cadrado

 

Ao redor dun centenar de emigrantes retornados de distintos concellos da Mariña concentráronse este mediodía ante a delegación de Facenda en Foz para esixir a retirada das multas que lles está comunicando o Goberno por non declarar as pensións que cobraron doutros países desde o 2008. Ademais de ler un manifesto e de recoller firmas para pedir cambios na normativa, tamén rexistraron un escrito na delegación no que plasmaron as súas reivindicacións. Unha hora antes que a concentración de Foz se rexistraron outras protestas en distintos puntos de Galicia.