(31/10/2013)
Báñez: "o presuposto para inmigración non baixa malia as restricións"
lainformacion.com
mércores, 30/10/13 -
A ministra de Emprego e Seguridade Social, Fátima Báñez, asegurou hoxe no Congreso que aínda que a inmigración non estea agora nun primeiro plano mediático en España e a chegada de estranxeiros se retardase, o Goberno considérao unha política "prioritaria" e por iso o ano próximo manteranse os principais programas presupostarios nesta materia.
En resposta a unha interpretación do PSOE sobre a política de inmigración do goberno, Báñez dixo que as partidas para axuda humanitaria e asistencial a inmigrantes e refuxiados continuarán en niveis similares a este ano, malia a crise.
A iso engadiu que se "resolveu" o problema do financiamento dos centros, cun incremento no gasto dende 2011.
O titular de Emprego felicitouse de que o último Consello de Europa asumise a proposta de España para un plan global sobre inmigración. "Tras a traxedia de Lampedusa, a cidadanía europea non tolera un espazo indiferente á dor", asegurou.
Báñez e a voceira do PSOE, María Soledad Pérez Domínguez, coincidiron en que hai "espazo para o entendemento" entre Goberno e socialistas en materia de política de inmigración.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas