O Peirao de Ferro : Ao servizo da emigración

(18/11/2013)

O Peirao de Ferro : Ao servizo da emigración

17 de novembro de 2013 / A Voz

 

 

O vello peirao de ferro, unha estrutura ligada ás vellas imaxes de Vilagarcía, foi inaugurado en 1893. Como indican os documentos da época, tratábase dun peirao embarcadoiro de 400 metros «con avenida en rampla de afirmado contido entre muros e petriles de fábrica de sillería, e viaduto e cabeza de estrutura metálica e taboleiro de piso de madeira». O proxecto corresponde ao enxeñeiro Vicente Ruiz e, como escribiu despois o emblemático director da rada Rafael Arizcun, «os emigrantes dispoñen dun medio cómodo para pasar, eles e as súas bagaxes, aos transatlánticos fondeados na baía, xa que polo seu calado non poden atracar no peirao de Carril». Pero o certo é que ao seguir crecendo o número de emigrantes e ser cada vez de maior tonelaxe os buques que atracaban en Vilagarcía, tamén o vello peirao de ferro quedou obsoleto, e foi substituído por outro de pedra.