A concentración será ante a oficina estradense de Facenda ás 11.30 horas.
A maiores, a plataforma local participará na concentración convocada para o vindeiro martes, día 17, ante o Parlamento galego en Santiago. Ese día, a Cámara galega debaterá unha proposición de lei para modificar a lei que obriga aos pensionistas a declarar os ingresos de máis de 11.200 euros cando proceden de dous pagadores distintos.
Na Estrada recolléronse máis de 2.000 firmas contra as multas e o cobro de atrasos aos pensionistas que non declararon pensións do estranxeiro e esixindo a reforma da lei dos dous pagadores.