(13/12/2013)
Manuel Barros cesa como delegado da Xunta en Montevideo por motivos persoais
Redacción, Santiago | 12 Decembro 2013 - Crónicas da Emigración
Manuel Barros
O Consello da Xunta aprobou o cesamento do delegado do Goberno galego en Montevideo, Manuel Barros, que abandona o cargo por petición propia e por motivos persoais e profesionais. Ata que se nomee ao seu sucesor, as súas funcións serán delegadas ao seu homólogo en Bos Aires, Alejandro López Dobarro.
Dende o ano 2009 Manuel Barros estivo á fronte da delegación uruguaia da Xunta de Galicia, onde desenvolveu un importante traballo tanto na atención á cidadanía galega como no fomento da lingua e da cultura de Galicia, o impulso ás relacións económicas entre Galicia e Uruguai e a cooperación ao desenvolvemento neste territorio.
Manuel Barros é natural da Estrada, aínda que dende hai máis de 30 anos vive en Uruguai, onde se labrou unha exitosa carreira como empresario e estivo sempre moi implicado nas actividades da diáspora galega no país. Precisamente, antes de ser delegado da Xunta foi directivo do Centro Galego e do Club Español durante dez anos e do Fogar Español durante outros quince.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas