(04/02/2014)
Recollidas xa 52.000 firmas contra as coitelas en valos de Ceuta e Melilla
Efe | 3/02/2014 -
Máis de 52.000 cidadáns subscribiron xa a petición para pedir ao Ministerio do Interior a retirada das concertinas instaladas nos perímetros fronteirizos de Ceuta e Melilla, colocadas para frear as entradas de inmigrantes.
A plataforma Change.org está a levar a cabo esta petición dende o 1 de novembro do pasado ano a través dunha iniciativa do escritor Enrique Laso, que abandeirou este movemento de protesta, que xa suma un total de 52.042 adhesións.
"O Ministerio do Interior, como xa fixera a mediados da década pasada, está a instalar novamente as terribles concertinas (aramados rematados con coitelas) nos valos de Ceuta e Melilla, como medida disuasoria fronte á inmigración," explica a plataforma nunha nota.
"Xa entón demostrouse que apenas aplacaron os devanditos fluxos e intentos de saltar os valos, e que, non obstante, si que provocaron terribles cortes, infeccións e mesmo a morte dalgunhas persoas. Finalmente foron totalmente retiradas en 2007", engade.
A petición elevarase ao titular do Ministerio do Interior, Jorge Fernández Díaz.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas