(11/02/2014)
Carballo / La Voz 11 de febreiro de 2014
Eric Leyvraz (67 anos) estaba onte contento. E como el, os seus compañeiros da UDC, o partido (de centro ou popular) que foi gañador da iniciativa lexislativa do domingo. Empresario da viticultura, chegou tarde á política, pero aproveitou o tempo: foi presidente do Parlamento do cantón de Xenebra, onde agora é deputado, e membro das comisións de Finanzas e Agricultura. Ademais, é o vicepresidente da UDC no cantón e forma parte do seu comité director.
-¿Como valora os resultados do domingo?
-Moi satisfeito. Loitamos contra todos, os demais partidos contra a nosa iniciativa e gañamos. E non estamos, como se dixo, en contra da emigración, senón a favor do seu control, que permita escoller aquela que nos serve.
-¿Por que hai que controlala?
-Suíza ten 40.000 quilómetros cadrados, pero vivimos en 10.000. O demais son espazos naturais. Ocupamos unha cuarta parte do territorio. Crecemos con 80.000 emigrantes cada ano. Iso é unha casa enorme. Din os urbanistas que cada persoa necesita uns 400 metros cadrados, e iso é moito para un país como o noso. Temos que pensar e actuar antes de que sexa tarde: salvar a natureza, garantir a calidade de vida... No meu caso, en Xenebra, o crecemento é de 5.000 persoas ao ano. ¡Iso son 100.000 en 20 anos! Moito para tan pouco tempo. E xa non falo por min, que en dúas décadas non estarei, falo dos nosos fillos e netos.
-¿Pero non hai un rexeitamento tamén ao emigrante en toda esta polémica, ademais diso que di?
-Non, hai necesidade de control, como xa dixen. Outro exemplo. Agora mesmo, o sistema está aberto á chegada das familias dos que traballan. E ocorre que alí onde hai dous ou tres traballando, son seis ou sete en realidade. E todo iso hai que telo en conta. ¡Non toda Europa pode vir a Suíza! En Francia teñen un 10 % de paro. En España, un 25. Temos que ver como desenvolvemos este país. Iso non é ser racista, nin estar contra os estranxeiros. Se hai moito, créanse guetos, e iso non é integración.
-¿Coñece a emigración galega?
-Coñezo sobre todo a española e coñezo a moitos galegos. Son do campo, tiven a obreiros fantásticos, que estiveron comigo 20 e 30 anos. De Galicia sei que é xente moi integrada e adoitada ao país. Teño unha boa opinión.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas