Estes son os principais datos do Avance de Estatística do Padrón Continuo con datos a 1 de xaneiro de 2014 que hoxe difundiu o Instituto Nacional de Estatística (INE) Ata 2012, a poboación española aumentara todos os anos desde que se teñen datos (1998) debido, fundamentalmente, á chegada de estranxeiros nos anos de bonanza económica, unha situación que a actual crise investiu obrigando a moitos deles a regresar aos seus países ou a buscar oportunidades de futuro noutros lugares. Para ilustrar esta situación basta con revisar o padrón e observar que o número de estranxeiros inscritos en España pasou de 923.879 no 2000 a 5.747.734 no 2010. En 2011 e 2012 producíronse os primeiros descensos (15.229 e 190.020, respectivamente) ata alcanzar a maior caída o pasado ano (545.980).