Os retornados galegos reclaman ante Facenda igualdade fiscal

(08/08/2014)

Os retornados galegos reclaman ante Facenda igualdade fiscal

Redacción, Santiago | 06 Agosto 2014 - Crónicas da Emigración

Os emigrantes retornados denunciaron ante Facenda discriminación fiscal e nunha reunión coa conselleira Elena Múñoz reclamáronlle igualdade fiscal, o que, segundo dixeron, pasa porque a regulación dos tributos non afecte a períodos impositivos anteriores e que as pensións dos retornados "tributen igual que a do resto dos galegos".

Durante a reunión, a conselleira de Facenda, que estivo acompañada polo director da Axencia Tributaria de Galicia, Ulpiano Villanueva, explicou o proceso de regulación aberto polo Goberno central e asegurou que con este cambio normativo "se lle dá resposta a unha reclamación compartida tamén polo Goberno galego". De feito, recordou, tanto o presidente da Xunta coma ela mesma tiñan traslado ao ministro de Facenda as demandas deste colectivo.

Os representantes das plataformas de pensionistas retornados volveron solicitar o apoio da Xunta para reclamar un trato igualitario co resto de pensionistas galegos. Segundo recordaron, os pensionistas cun pagador tributan a partir dos 22.000 euros e eles, con dous, deben facelo ao superar os 11.200 euros. Nesta liña de actuación pediron a Múñoz que o seu departamento elabore un informe para remitir a Montoro e que poña de manifesto que recibindo idénticas cantidades de diñeiro, os retornados deben pagar máis.

Muñoz transmitiu, durante a reunión, a "disposición" da Axencia Tributaria de Galicia "para facilitar o proceso de regularización, malia tratarse dunha competencia do Estado,".