(22/09/2014)
21.09.2014 | Faro de Vigo
-Vostede é membro da directiva dun centro de emigrantes. Pero, tamén, o tema da emigración tocoulle de preto...
-Os meus avós maternos tiñan seis fillos, e cinco deles fóronse. A miña avoa, entre eles. E, aínda que así o pareza, non foi por necesidade. O problema era a guerra, non o económico. Por aquel entón, a miña bisavoa preferiu ver marchar aos seus fillos, antes que velos morrerse na fronte.
-Actualmente, a emigración volve estar á orde do día, especialmente, no caso de xente nova. Que opinión merécelle ?
-Falar da emigración no caso de España sería unha imprudencia pola miña banda, porque é algo que descoñezo. En Arxentina é un tema que está parado. Non porque a situación do país sexa boa, senón porque tampouco está o resto do mundo como para saír e partir cara a fóra. Ademais, a diferenza de anos atrás nos que a necesidade provocaba emigración europea, agora Arxentina é un país de acollida dos países limítrofes: bolivianos, uruguaios, paraguaios... O que si podo dicir é que hai moitas historias que poderían escribirse desde a diáspora; hai xente que traballou e sacrificouse moito por Galicia na emigración. E, iso hai que facerllo saber tamén á xente de hoxe en día.
-É por estas mesmas datas cando visita Galicia. Exponse volver, quizais, o ano que vén?
-Iso terá que ver co peto (risas). As cuestións económicas pésannos a todos. Veño en representación do centro e miña, sobre todo. Así que isto custéomo eu totalmente; o que supón que hai que facer un aforro. E a idea é seguir aforrando. A intención miña está aí e esperemos poder seguir vindo.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas