(08/05/2009)
Un grupo de socios da Asociación de Inmigrantes da Comarca de Sarria (AICOS) di que a presidente cambiou os estatutos para estar máis tempo no cargo e poder cobrar.
O artigo que se refiren é o cinco e nos estatutos aprobados no 2007 cando se fundou a asociación figuraba que os cargos directivos desenvolverán o seu labor de xeito gratuíto e manteranse no posto durante un período dun ano.
O novo artigo di que os cargos da directiva poderán percibir retribucións económicas en función da realización de traballos en actividades ou programas en beneficio da asociación. Tamén indica que o período de mandato será de tres anos.
A asociación foi fundada por 22 persoas no 2004 e a súa primeira presidenta foi a colombiana Danilsa Polo, que deixou o cargo logo dun ano para que o ocupase a brasileira Divina Barbosa, AICOS conta na actualidade con preto de 150 afiliados.
As decisións da presidenta orixinaron que algúns membros lle pedisen explicacións e aseguran que a súa resposta inmediata foi enviarlles unha carta nas que lles anunciaba a súa expulsión.
Os afectados consideran que Danilsa Polo pensa que é a dona da asociación e que por iso está adoptando decisións que consideran arbitrarias e inxustas como a de anunciar que é a única que pode levar a cabo trámites en nome de AICOS.
As socias que non están de acordo con este xeito de actuar da directiva solicitan que leve a cabo unha asemblea xeral
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas