(25/11/2014)
Miranda valora "moi positivamente" a reunión cos responsables de emigración de Madrid e do resto de comunidades
Redacción, Santiago | 24 Novembro 2014 - Crónicas da Emigración
Rodríguez Miranda.
, fixo unha valoración "moi positiva" da reunión mantida o pasado xoves coa Dirección Xeral de Migracións e co resto de responsables de emigración das diferentes comunidades autónomas.
Rodríguez Miranda destacou o compromiso dos responsables que participaron na reunión para levar a cabo labores de coordinación e buscar a maior eficacia nos recursos públicos.
Ademais, o responsable de Emigración de Galicia mostrou o seu agradecemento á Dirección Xeral e ao seu responsable, Miras Portugal, por propiciar este encontro que terá continuidade a finais do mes de xaneiro.
Durante a reunión, Rodríguez Miranda formulou as inquietudes que como secretario xeral recibe dos residentes no exterior e mostrou a súa inquietude pola situación dos galegos en Venezuela. Tamén mostrou a súa preocupación pola situación en Arxentina e destacou a necesidade de coordinar as axudas polo tema do cambio monetario.
Outro dos puntos que se trataron na reunión ten que ver con cuestións técnicas e administrativas na que Rodríguez Miranda tamén pediu coordinación entre as institucións e unha maior fluidez na relación das administracións cos residentes no exterior.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas