O Concello de Vedra iniciou a programación dos actos conmemorativos do centenario das sociedades de emigrantes do municipio existentes en Buenos Aires.

Dentro destas iniciativas destaca a conferencia que hoxe imparte o catedrático de Historia Contemporánea da USC Lourenzo Fernández Prieto e Andrés Domínguez Almansa, historiador e autor do libro «Asociacionismo agrario e poder local en Teo».

O título da conferencia é «Dar e concordar na Ulla do século XVIII», recentemente editado pola Deputación da Coruña e no que se aborda a conflitividade social da comarca durante un século no que se xeraron as condicións económicas que finalmente provocaron a emigración masiva desde Galicia ao continente americano. A conferencia comezará a partir das 21 horas na Casa do Sindicato.

-----------

Para máis información, consulte a páxina web do Centenario: http://www.100anosvedraemigrante.com