(15/05/2009)
Uns 37.000 descendentes de exiliados en Iberoamérica pediron nacionalidade EFE Máis de 37.000 descendentes de exiliados españois en Iberoamérica solicitaron a nacionalidade española de acordo co que establece a Lei de Memoria Histórica en recoñecemento aos familiares de quen tiveron que fuxir pola Guerra Civil e o franquismo, informou hoxe o Goberno español. Segundo os datos facilitados polo Ministerio de Asuntos Exteriores de España, desde o 29 de decembro pasado presentáronse 39.134 solicitudes para conseguir a nacionalidade española, 37.085 en Iberoamérica e 2.049 noutros países. Ademais concedeuse a nacionalidade española a catorce dos membros das Brigadas Internacionais que apoiaron á República española, engadiron as fontes. Centos de miles de descendentes de exiliados españois teñen dereito a solicitar a nacionalidade española, a maioría dos cales, segundo estimacións do Goberno español, residen na Arxentina, Uruguay, Cuba, Chile, Venezuela, México e Francia. A medida beneficia ás persoas cuxo pai ou nai fose español e aos netos de quenes perderon ou tiveron que renunciar á nacionalidade como consecuencia do exilio no período que comprende desde o 18 de xullo de 1936 e o 31 de decembro de 1955. O prazo para presentar as solicitudes é de dous anos -ata o 27 de decembro de 2010-, aínda que podería prorrogarse un ano máis, como fixa a Lei da Memoria Histórica, que entrou en vigor en decembro de 2007. Segundo esta lei, existen tres grupos diferentes de solicitantes: os descendentes directos de quen foron orixinariamente españois e fóronse ao exilio, os netos de quen perderon ou tiveron que renunciar á nacionalidade española e os españois non de orixe que desexan a nacionalidade de orixe.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas