(01/06/2009)
A Fundación Caixa Galicia trae a Santiago a exposición 'Nós tamén fomos emigrantes'
SANTIAGO DE COMPOSTELA, 29 Mai. (EUROPA PRESS) -
A Biblioteca da Fundación Caixa Galicia en Santiago acollerá desde o día 1 de xuño a exposición 'Nós tamén fomos emigrantes', unha iniciativa da entidade que se poderá visitar neste espazo ata o día 30 de xuño.
Segundo explicou Caixa Galicia, esta exposición consta de 50 fotografías de gran formato seleccionadas de entre millóns de orixinais.
O percorrido pola sala permitirá aos visitantes comparar as condicións de entón coas imaxes dos movementos migratorios que hoxe publican os medios de comunicación, situacións "moitas veces idénticas de non ser polo tempo pasado ou pola orixe e o destino dos protagonistas das imaxes".
Así mesmo, tamén na Biblioteca se poderá visitar a exposición 'Emigración: libros de ida e volta', na que se actualizan os coñecementos dos máis pequenos en materia literaria, mostrando as creacións máis salientadas da outra beira do mar.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas