A Xunta convoca 190 prazas para o achegamento a Galicia de maiores emigrantes

(08/06/2009)

A Xunta convoca 190 prazas para o achegamento a Galicia de maiores emigrantes

EFE Actualizado 08-06-2009
Santiago de Compostela.- A Secretaría Xeral de Emigración convocou hoxe a regulación das 190 prazas do programa "Volver á Terra" para residentes no exterior.


(EFE)A Secretaría Xeral de Emigración convocou hoxe a regulación das 190 prazas do programa "Volver á Terra" para residentes no exterior. EFE/Arquivo
O Diario Oficial de Galicia (DOG) publicou a convocatoria de axudas do devandito programa, que permite o achegamento a Galicia dos emigrantes galegos maiores de 60 anos residentes en América e con escasos recursos económicos.

A Secretaria Xeral de Emigración farase cargo das viaxes ata Galicia dos beneficiarios, e ofrecerá servizos de aloxamento e manutención durante un período máximo de 14 días nun establecemento residencial.

O prazo de solicitude para este programa será dun mes, contando desde o día seguinte ao da data de publicación desta resolución.