Centos de persoas secundan o inicio do Día de Galicia en Euskadi

(22/06/2009)

Centos de persoas secundan o inicio do Día de Galicia en Euskadi
20.06.09 - UNAI MORÁN| BARAKALDO
Barakaldo celebra desde o xoves, e ata mañá, o XXIV Día de Galicia en Euskadi. Unha celebración que tiña prevista a súa inauguración oficial onte, pero que foi suspendida tras coñecérense o atentado de ETA. Non obstante, centos de persoas secundaron a xornada festiva no recinto de Ansio, onde si estreouse unha ampla mostra de artesanía con teares, olería, palillos, prata, bordados, coiro. Doce postos en total. O programa completouse de noite cun concerto de folk.
A efeméride, en cuxa organización colaboran as doce casas rexionais do País Vasco, continúa hoxe. Ás dez da mañá reabrirase a carpa gastronómica e media hora despois celebrarase a novena cata de viños tintos galegos. Xa pola tarde se celebrarán os típicos concursos de filloas e empanadas, ademais do campionato de chave. Durante a xornada sucederanse tamén concertos corais e musicais que culminarán a medianoite coa degustación dunha gran queimada.
A xornada estelar e de clausura celebrarase mañá coa recepción de autoridades, un evento ao que aínda non confirmaron a súa asistencia o lehendakari, Patxi López, nin o secretario de Emigración da Xunta de Galicia, pero no que si participarán centos de invitados e miles de espectadores. O programa prevé un pasacalles de grupos folklóricos e unha exhibición de danzas e gaitas.