CONSELLO XERAL DA CIDADANÍA ESPAÑOLA NO EXTERIOR

(23/06/2009)

CONSELLO XERAL DA CIDADANÍA ESPAÑOLA NO EXTERIOR
O Consello máis numeroso da historia deberá afrontar o futuro da emigración española
Todas as autonomías e os retornados acudirán a este Pleno con dereito a voz e voto
 I.Bande - MADRID - 22-06-2009 Madrid converterase entre os días 22 e 24 de xuño na capital na que terán os ollos postos os perto de 1,5 millóns de españois residentes no exterior. A capital acollerá o III Pleno do Consello Xeral da Cidadanía Española no Exterior, que chega con importantes novidades, como son as portas abertas á presenza de todas as Comunidades Autónomas e a participación como membros de pleno dereito -con voz e voto- da Federación de Asociacións de Emigrantes Retornados.


Este luns, ás 9,30 horas comezará o III Pleno do Consello Xeral da Cidadanía Española no Exterior, correspondente ao V mandato deste órgano. Entre os días 22 e 24 de xuño, as instalacións do Hotel Meliá Princesa de Madrid acollerán os encontros entre os representantes da colonia española e os responsables da Administración.

A primeira xornada abrirase coa aprobación da Orde do Día e do Acta do II Pleno. Francisco Ruiz, presidente do Consello Xeral, será o encargado de presentar aos representantes do colectivo e do Goberno o informe. Ás 12,00 do mediodía será a vicepresidenta primeira do Consello, a secretaria de Estado de Inmigración e Emigración, a que presente o informe do seu departamento. A seguir farao o vicepresidente segundo, o responsable de Exteriores e Cooperación.

Tras o xantar, os conselleiros poderán escoitar o informe do representante do Consello Xeral no Consello Estatal de Maiores e Consello Asesor de RTVE. De seguido será o director xeral de Cidadanía Española no Exterior, Agustín Torres, o que de coñecer o informe do seu departamento. A xornada pecharase cunha visita ao Instituto Cervantes.

O segundo día comezará coa presentación, por parte dos presidentes das Comisións delegadas, das propostas acordadas nas reunións celebradas ao longo dos meses de marzo, abril e maio. Ao longo da mañá, os conselleiros votarán a aprobación das propostas, se procede. Xa pola tarde se producirán as intervencións dos representantes das Comunidades Autónomas.

A última xornada o protagonismo pasará aos representantes dos Grupos Parlamentarios no Congreso. Ao peche das súas intervencións, os conselleiros terán oportunidade dunha vez de rogos e preguntas. Será o final do Consello Xeral.



Nesta cita, o Consello terá que probar e ‘engraxar' o seu novo sistema de funcionamento, que salienta por unha maior presenza de interlocutores con dereito a voz e voto, como son as Comunidades Autónomas e as Asociacións de Retornados.

Estas últimas viron confirmado o seu dereito como participantes de pleno dereito (con voz e voto) o pasado un de xuño. Con esta decisión, lográbase un reto que as asociacións de retornados españois viñan solicitando desde fai máis dunha década. A presidenta da Federación Española de Asociacións de Emigrantes Retornados, Juana María Sánchez, asegurou que desde a súa entidade ‘estamos contentísimos' e congratulouse porque ‘desde que tomamos as rédeas da entidade logramos máis avances que nos últimos dez anos', en referencia á etapa de Carlos López Pujol