(24/06/2009)
Corbacho brinda o seu apoio e complicidade aos emigrantes pese á crise
Madrid, 23 de xuño de 2009 (EFE).
O ministro de Traballo e Inmigración, Celestino Corbacho, expresou hoxe seu "apoio decidido e complicidade" cos representantes dos emigrantes españois pese ao difícil momento económico.
"Seguiremos traballando convosco para seguir avanzando en temas lexislativos e de políticas sociais dentro das posibilidades que podamos ter", afirmou o ministro no seu discurso diante do pleno do Consello Xeral da Cidadanía Española no Exterior.
Corbacho expuxo que a crise financeira global supón un momento de "complexidade de carácter planetario" que afecta a todos os cidadáns, polo que é "máis importante que nunca" defender os servizos sociais.
"Antes ou despois sairemos de esta crise e trátase de que ese momento non repercuta nas políticas sociais que supuxeron tantos avances", dixo.
Así, o Goberno apostou por defender as políticas sociais tanto en España coma en Europa: "Ese é o reto de España, levar o debate das políticas sociais á UE, onde só existe o discurso financeiro", subliñou.
En declaracións a EFE, o presidente do Consello Xeral da Cidadanía Española no Exterior, Francisco Ruiz, salientou que o obxectivo máis importante polo que loita a organización neste momento é que se resolva o pago do Seguro Obrigatorio de Vellez e Invalidez antes "de que se morran todos os velliños".
Coñecido como o SOVI, este seguro que xa desapareceu, supón unha pensión mínima para quenes non poden acceder a ningún outro tipo de subsidio, o que lle acontece a uns centenares de españois que viven no estranxeiro.
Outras das reclamacións do Consello é "que se poña en marcha" a regulación dos Consellos de Residentes Españois no Estranxeiro e que este organismo sexa capaz de "renovarse e atraer a máis mozos e mulleres, porque eles son o futuro", salientou Ruiz.
Ademais dos representantes do Goberno e da emigración, á reunión tamén asistiron altos cargos dos ministerios de Interior, Economía e Facenda, Xustiza, Educación, Igualdade e Ciencia e Innovación.
Os sindicatos, a patronal e as Comunidades Autónomas tamén participaron na cita para tratar os problemas dos españois que viven no exterior
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas