(15/03/2019)
O Encontro de Poetas achegará a emigración á vila da Rúa
Esta edición do evento, que dará comezo ás 17,00 horas do 16 de marzo e que organiza a escritora Rosa García Machado, levará por título " Ninguén deixa o fogar se o fogar non o bota".
O "XI Encontro de Poetas" achegará o problema da emigración ás instalacións de Adega Melillas, da Rúa. Esta edición do evento, que dará comezo ás 17,00 horas do 16 de marzo e que organiza a escritora Rosa García Machado, levará por título " Ninguén deixa o fogar se o fogar non o bota".
Esta circunstancia levou a un grupo de alumnos do Instituto Cosme López a participar neste evento cultural recitando poemas compostos en torno ao tema da emigración. Máis concretamente, intervirán estudantes de 4º de ESO e 1º de Bacharelato, ademais do profesor deste centro Sechu Crespo Cerezuela.
O Encontro de Poetas foi organizado coa colaboración da Adega Melillas e o Concello da Rúa entre outras entidades particulares. Á súa vez, o capítulo musical será achegado polo grupo monfortino Ad Heyra Liti. Segundo informou o Instituto Cosme López, a actividade forma parte dunha xornada de convivencia que organizou a adega, na cal tamén colabora Teresa Franco, xefa do Departamento de Lingua Galega, do centro.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas