O obxecto deste programa é a concesión de axudas e subvencións destinadas ás entidades galegas no exterior para o exercicio 2009.
Nome do programa
Axudas e subvencións a programas de actuación en favor das comunidades galegas no exterior 2009.
Destinatarios
Poderán ser beneficiarios das axudas establecidas para este programa as entidades galegas que teñan recoñecida a galeguidade ou a súa condición de centro colaborador, así como aquelas institucións e asociacións sen fins de lucro radicadas no exterior.
Programas de axudas e subvencións
- Programa 1: Axudas a entidades galegas no exterior para a prestación de servicios socioasistenciais en favor das persoas de orixe galega residentes no exterior e os seus descendentes.
- Programa 2: Axudas para promover a realización de exposicións, conferencias, cursos de formación e actividades asociativas propias das entidades galegas no exterior.
- Programa 3: Axudas para a edición de libros, publicación de revistas e outras accións de carácter informativo.
- Programa 4: Axudas para a realización de proxectos promovidos pola xuventude.
- Programa 5: Axudas para o financiamento dos gastos de funcionamento das entidades galegas no exterior.
- Programa 6: Axudas para a contratación de grupos musicais, de teatro e outras manifestacións culturais.
- Programa 7: Axudas para a subscrición a publicacións e revistas de carácter periódico.
- Programa 8: Axudas para a adaptación dos nomes e reforma dos estatutos das entidades galegas no exterior.
Lugar e prazo de presentación
As solicitudes de axudas e subvencións dirixiranse ao órgano competente:
- Secretaría Xeral da Emigración
- Rúa Básquiños, 2
- 15704 Santiago de Compostela
- A Coruña
A documentación presentada, no caso das entidades galegas, deberá ser asinada polo secretario co viso e prace do presidente ou, noutro caso, polos representantes legais das institucións e asociacións solicitantes.
O prazo de presentación de solicitudes será ata o 23 de Xullo de 2009.
Resolución
Resolución do 17 de xuño de 2009, da Secretaría Xeral da Emigración, pola que se establecen as bases reguladoras e se convocan as axudas e subvencións correspondentes a diversos programas de actuación a favor das comunidades galegas no exterior para o exercicio 2009.
Convocatoria
Diario Oficial de Galicia Nº 121, do Martes 23 de Xuño de 2009.
Promovido por
Secretaría Xeral da Emigración.
Ano
2009
Información Adicional
Guía para a presentación de solicitudes [gl]
