Vigo. Os venezolanos duplícanse e xa son a segunda comunidade

(29/07/2019)

Os venezolanos duplícanse e xa son a segunda comunidade


A recuperación económica de Portugal reduce o número de cidadáns lusos en Vigo

Preto do 3,5% da poboación galega é estranxeira, en Vigo hai máis de 15.000 emigrantes.



Diario Atlántico. Claudia Rodríguez. vigo 28/07/2019



Os países de orixe do maior número de emigrantes censados en Vigo son Portugal, Venezuela, Brasil e Romanía. Sendo Venezuela a novidade neste top. En 2019 residen na cidade un total de 15.319 estranxeiros rexistrados. O que supón un lixeiro aumento, que non chega aos 800, en relación a 2018, e un descenso de máis dun milleiro de persoas en comparación cos datos do padrón municipal de 2017, no que constaban 16.382 emigrantes. 

Os procedentes do país latino americano aumentaron significativa e paulatinamente nos últimos anos debido á crise na que está sumido. En 2019 hai en Vigo 1.420 venezolanos censados, mentres que un ano atrás tan só había 939, e fai dous 659."Moitos solicitaron asilo político. Ademais, Galicia foi moi migratoria cara a América Latina e agora temos un retorno desa emigración", asegurou Manuel Pérez Vidal, presidente da asociación Amigos de Venezuela en Vigo, que forma parte da federación galega, a única dun colectivo migratorio na comunidade. Vigo é a única cidade galega con dúas asociacións para venezolanos, aínda que a maioría asíntanse na Coruña.

Pola súa banda, os portugueses, 1.823, lideran un ano máis as listas censuais, a pesar da tendencia á baixa dos últimos anos. O consulado do país veciño vincula a caída en toda Galicia aos fluxos migratorios e á recuperación económica de Portugal, “que pode influír a que algúns volvan ao seu país de procedencia e outros se reformulen emigrar”.

Desde o consulado tamén aseguraron que os portugueses residentes en Galicia atópanse integrados. “Moitos xa naceron aquí, mesmo froito de relacións luso-galegas”. Con todo, non consideran a proximidade xeográfica e cultural un factor decisivo para emigrar a Vigo, “máis ben fano por razóns profesionais e por amor, tanto no pasado, no presente e probablemente no futuro”, indicaron.

O terceiro colectivo máis numeroso é o dos brasileiros, 1.401 en 2019, seguido dos procedentes de Romanía, 1.157.

Este ano aumentaron as nacionalidades, que ascenden a 133, entrando Macedonia, Islandia e Iemen. Máis do dobre dos estranxeiros residentes teñen países de procedencia non comunitarios, 10.535, fronte aos 4.784 provenientes da Unión Europea. Entre os emigrantes europeos os máis numerosos son os italianos, que ascenden a 706 rexistrados na cidade. De África a maior afluencia provén de Senegal, 640 persoas e de Marrocos, 356. Os estranxeiros de Asia e Oceanía son escasos en Galicia, con excepción dos chineses que ascenden a 517, e aumentaron nos últimos anos.

Tamén son datos significativos os de Uruguai, Arxentina e Cuba, polos fortes lazos que manteñen con Galicia debido á inmigración do século pasado. En Vigo hai rexistrados 504 uruguaios, 490 arxentinos e 342 cubanos. Ademais, destaca o número de colombianos residentes, que este ano ascende a 999.

No conxunto de Galicia hai censadas 2.698.875 persoas e preto dun 3,5% da poboación é estranxeira. No 2010 alcanzouse o máximo de emigrantes rexistrados, 17.805 só en Vigo, pero a partir do ano seguinte comezou unha caída constante motivada pola crise económica, tendencia que reverteu o ano pasado.

Esther Lora de SOS Racismo indicou que na cidade “hai problemas permanentes de acceso a locais, a vivenda e para abrir contas bancarias, o que impide cobrar prestacións. Entre os actos racistas máis denunciados están os sucedidos con axentes de policía, pola falta de formación". n