O PSOE organiza un encontro cos emigrantes retornados no Carballiño

(21/10/2019)

O PSOE organiza un encontro cos emigrantes retornados no Carballiño

A cita é o luns ás 19.30 horas na sede do partido


A Voz

Ourense 20/10/2019


O PSOE levará o luns ata O Carballiño a súa rolda de encontros informativos cos emigrantes retornados de Alemaña. O secretario provincial de emigración, Luís Gulín, dirixirá o encontro, que terá lugar na sede do partido aos 19.30 euros. Estarán tamén no acto a candidata ao Congreso, Mariña Ortega, e o alcalde, Francisco Fumega.

Tratarán temas relacionados coa nova fiscalidade para os que teñen dous pagadores, xa que a partir do 1 de xaneiro elévase aos 14.000 euros a cantidade exenta de declarar. E tamén se falará da obrigación (instaurada o pasado 1 de xullo) de informar á Axencia Tributaria Alemá en caso de ter contas bancarias en España, así como dos movementos dos seus depósitos.