Máis de 40.000 lucenses emigraron da provincia de Lugo na última década, segundo datos dados a coñecer onte pola CIG nun informe sobre a provincia de Lugo, no que reclama unha serie de medidas para incentivar o tecido industrial, crear emprego e tratar de recuperar a poboación perdida. Por idades, o tramo entre os 25 e os 34 anos é o maioritario entre os que decidiron cambiar de residencia. Algo máis de 13.000 mozos con esas idades marcháronse da provincia de Lugo en busca de oportunidades laborais. Representan o 32% do total, case a terceira parte das persoas que tomaron a decisión de irse.

Segundo o informe presentado onte polo secretario da CIG, Xosé Ferreiro, nos últimos anos o número de persoas que perdeu a provincia nun século foi de 120.808 persoas. o que supón un 25,36% menos que a principios do século XX.

A provincia de Lugo, segundo o informe da organización nacionalista, presenta outro problema, que consiste en que máis da metade da poboación non é activa. Dos 355.549 habitantes que había, segundo os datos oficiais, no ano 2008, só 154.100 estaban catalogadas nesta categoría.

A organización nacionalista no seu estudo fai tamén referencia aos datos do desemprego dos oito meses comprendidos entre setembro do 2008 e maio pasado. No primeiro deles había 14.485 parados, dos que 8.337 pertencían ao sector servizos, que é onde se concentra practicamente tanto o emprego como o desemprego.

Oito meses máis tarde a situación cambiara, os 14.485 parados convertéronse en 18.922, 11.247 deles concentrados no sector servizos.

A CIG analiza tamén o número de parados que perciben prestacións e aqueles que non teñen dereito a elas. En setembro do 2008 o 37,1% dos inscritos nas oficinas de emprego non as recibían. En maio pasado ese mesma porcentaxe incrementouse ao 37,1%.

Segundo a organización nacionalista, a incentivación industrial, a recuperación demográfica e as condicións laborais «son vos eixes nos que #\\\\ que traballar para intentar unha recuperación que cada día que pasa se fai máis complicada».

A CIG propón axudas para empresas que conclúan o seu ciclo produtivo en Lugo; a retirada de subvencións a aquelas que só extraen materia prima; apoio no financiamento a aquelas firmas que se establezan en zonas de especial despoboamento e posta a disposición de chan industrial, con medidas que impidan a especulación, entre outras.

En canto á recuperación da poboación lucense, o sindicato nacionalista propón medidas encamiñadas a recuperar a aqueles mozos que saíron masivamente da provincia, con alto nivel de formación e que agora están no paro. «Tamén -engade Ferreiro no seu estudo- hai que crear ou caldo de cultivo necesario para que a poboación que #\\\\ neste momento non desapareza». Propoñen dotar aos concellos de servizos que acheguen calidade de vida aos seus habitantes