(27/02/2020)
Os emigrantes retornados de Barbanza seguen na rúa
Van camiño de cumprirse sete anos desde que colleron as pancartas e os emigrantes retornados de Barbanza manteñen o pulso coa Axencia Tributaria para reclamar un trato xusto á hora de tributar polas pensións que perciben do estranxeiro. As súas reivindicacións non foron atendidas e ata que iso ocorra están decididos a repetir manifestacións como a que hoxe lles levou a percorrer o traxecto entre as oficinas de Facenda e a praza do Concello de Ribeira.
Puntuais á cita mensual, os integrantes da plataforma concentráronse ás once da mañá ante as oficinas de Facenda e desde alí iniciaron o percorrido habitual. Xa ao final, recordaban o tempo que levan saíndo á rúa para reclamar que deixen de obrigarlles a tributar por ter dobre pagador polas pensións que reciben dos países aos que emigraron para gañarse a vida. «Eu hei de ir morrer a Suíza porque este país é tercermundista, é que isto non pode ser», lamentaba unha muller mentres se dispersaba a concentración.
A plataforma reunirase o venres, ás 18.30 horas no centro social de Boiro, co deputado do BNG no Congreso, Néstor Rego.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas