(18/03/2020)
O Goberno urxe a “os españois que estean no estranxeiro e queiran retornar, que o fagan canto antes”
Redacción, Madrid | 17 Marzo 2020 - Crónicas da Emigración
O Goberno "urxiu" aos españois que están noutros países e pretenden regresar a que o fagan “canto antes"”, dado que hai Estados que xa están a suprimir as conexións por avión con España e, ademais, “non se sabe a evolución que terá o transporte aéreo nos próximos días”.
Así o indicou a secretaria xeral de Transportes, María José Relo, en relación ás eventuais medidas que se poidan tomar no seo da UE respecto á aviación.
“Os españois que estean no estranxeiro e queiran retornar, que o fagan canto antes”, indicou, asegurando que este martes é “máis urxente aínda” a recomendación xa formulada polo ministro de Transportes, José Luis Ábalos, sobre os cidadáns que se atopaban noutros países no momento en que se decretou o estado de alarma.
“Non se pechou nada máis aló das fronteiras terrestres, as aéreas seguen abertas”, lembrou Rallo, que, con todo, apuntou que “moitos países están a pechar as conexións con España. Por iso cremos que é máis urxente aínda a recomendación de que os que queiran retornar fágano”, reiterou a secretaria xeral.
“Non se sabe como vai evolucionar o transporte aéreo nos próximos días”, insistiu en referencia ás decisións que se poida tomar na UE.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas