Emigración reforza a atención aos galegos do exterior con máis teléfonos e correos electrónicos para consultas

(30/03/2020)

Emigración reforza a atención aos galegos do exterior con máis teléfonos e correos electrónicos para consultas


Redacción, Santiago | 28 Marzo 2020 - Crónicas da Emigración

A Secretaría Xeral de Emigración publicou na súa web galiciaaberta unha importante información de interese para os galegos do exterior, con teléfonos e correos electrónicos de contacto para consultas de todo tipo que responderá o departamento de Emigración da Xunta.

A Secretaría Xeral que dirixe Antonio Rodríguez Miranda afirma que “a Xunta de Galicia está, hoxe máis que nunca, á beira de todos os galegos que residen no exterior. Nestes momentos de especial dificultade, Galicia está pendente de todos os galegos que están a vivir as consecuencias desta pandemia mundial desde os seus distintos países de acollida, polo que acaba de reforzar a súa atención aos seus, estean onde estean”.

Así, a pesar de que a atención presencial ao público da Secretaría Xeral de Emigración permanecerá suspendida mentres dure a situación actual en cumprimento do Acordo do Centro de Coordinación Operativa ( CECOP), sobre as medidas preventivas en lugares de traballo do sector público autonómico, como consecuencia da evolución epidemiolóxica do coronavirus, “a atención aos galegos e galegas do exterior continúa activa, prestándose con máis intensidade e dedicación, se cabe”, explica a Secretaría Xeral.

Todas as consultas, tanto no ámbito da emigración como do retorno, “seguen respondéndose e tramitándose con todos os recursos que están ao dispor desta Secretaría”. O departamento de Emigración lanzou un rogo aos usuarios: “Que empreguen o correo electrónico para as consultas ordinarias, deixando as telefónicas para aquelas extraordinarias ou de maior gravidade, co fin de aumentar a operatividade do sistema de atención ás e os galegos no exterior”.

Así pois, co obxectivo de paliar as consecuencias da suspensión temporal da atención presencial ao público, o departamento de Emigración do Goberno galego mantén operativas as seguintes direccións de correo electrónico e números de teléfono:

Para consultas de información xeral

Correo electrónico:oficina.emigracion@xunta.es

Teléfono: 0034 981 547268

Para consultas sobre axudas a entidades galegas

Correo electrónico: emigracion.subvenciones@xunta.gal

Teléfono: 0034 981 545833

Retorno

Para consultas xerais sobre retorno

Correo electrónico: retorno.emigracion@xunta.es

Teléfono: 0034 981 957162

Para consultas ás diferentes sedes da Oficina Integral de Asesoramento e Seguimento ao Retornado de Galicia

Correos electrónicos:

oficinaretorno.emigracion.santiago@xunta.gal

oficinaretorno.emigracion.coruna@xunta.gal

oficinaretorno.emigracion.ourense@xunta.gal

oficinaretorno.emigracion.vigo@xunta.gal

oficinaretorno.emigracion.lugo@xunta.gal

Delegacións da Xunta

Para consultas á Delegación da Xunta na Arxentina:

Correo electrónico: delegacion.buenosaires@xunta.es

Para consultas á Delegación da Xunta no Uruguai:

Correo electrónico: delegacion.montevideo@xunta.es

Para concluír o seu comunicado informativo, a Secretaría Xeral afirma que “tan pronto sexa posible volveremos abrir as nosas oficinas físicas para seguir prestando a todos os galegos e galegas do exterior a mesma atención que levamos dedicándolles os últimos 40 anos. Desde casa ou desde as súas sedes físicas, Galicia está e estará sempre convosco e vós. E, lembrade, quedar na casa é saúde”.