Vilalba dará información a veciños con problemas para pagar os alugueiroes e a inmigrantes

(03/06/2020)

Vilalba dará información a veciños con problemas para pagar os alugueiroes e a inmigrantes

Un avogado asesorará sobre detalles das axudas do Plan Estatal de Vivenda

Asuntos de vivenda e de inmigración . Esas son as dúas áreas ás que se orientarán dous novos servizos de información do Concello de Vilalba . O primeiro irá dirixido a persoas con problemas para pagar o alugueiro da súa vivenda, e o segundo, a inmigrantes. O primeiro será prestado por un avogado cuxo traballo asumirá o Concello con fondos propios, segundo explicou esta mañá a concelleira Marta Rouco. O servizo funcionará dous días por semana en xullo e en agosto, e centrarase en explicar detalles relacionados co Plan Estatal de Vivenda.

En canto ao segundo, asuntos relacionados coa nacionalidade, a residencia ou o permiso de traballo ocuparán o traballo da persoa que se ocupe do servizo. Está previsto que funcione ata maio do ano próximo, un día por semana. Segundo datos do Instituto Galego de Estatística do ano pasado, Vilalba ten 405 persoas estranxeiras dentro dunha poboación total de 14.072 habitantes.