A JEC insta o Goberno para que facilite o voto dos españois que están temporalmente residindo no exterior

(02/07/2020)

A JEC insta o Goberno para que facilite o voto dos españois que están temporalmente residindo no exterior

Redacción, Vigo | 01 Julio 2020 - Crónicas da Emigración

A Xunta Electoral Central (JEC) instará á Dirección Xeral de Españois no Exterior e de Asuntos Consulares a que promova de forma inmediata as xestións e negociacións diplomáticas que sexan posible, en orde a facilitar o exercicio do dereito de sufraxio polos votantes que se atopan temporalmente no estranxeiro (voto ERTA).

Esta resolución está motivada pola petición realizada polo subdirector xeral de Xestión Económico-Administrativa e do Retorno da Xunta de Galicia que trasladou as queixas de electores residentes no estranxeiro que desexan participar nas eleccións do 12-J e non poden presentarse na oficina consular correspondente por mor das restricións de mobilidade pola pandemia do Covid-19.

Ademais, na súa última sesión, a JEC contestou, a unha petición do BNG, que xa non era posible remitir a documentación electoral aos electores que figuran no Censo Electoral de Residentes Ausentes (CERA) que tramitaran a súa petición para as eleccións do mes de abril que se suspenderon polo coronavirus. Os nacionalistas apoiaban esta petición nas incidencias que se están producindo na tramitación do voto.