Lalín acollerá mañá un espectáculo de homenaxe á emigración

(09/07/2020)

Lalín acollerá mañá un espectáculo de homenaxe á emigración

A programación cultural de Lalín para este verán inclúe mañá venres un espectáculo de homenaxe á emigración galega. Queiman e Pousa presentarán, ás 20.00 horas na Praza dá Igrexa, Un verso, un cantar, con entrada gratuíta ata completar o aforamento. Está ambientado a principios do século XX, axuntando poesía e canción, nunha fusión teatralizada con pezas de Xosé Neira Vilas, Rosalía de Castro, Curros Enríquez, Celso Emilio Ferreiro e Méndez Ferrín.

Na rúa Rosalía de Castro tamén haberá hoxe concerto, neste caso a cargo do grupo Nós, integrado por Diego Sieiro, Sandra Fondevila e Benxamín Otero, ás 21.00 horas.