O Consello da Xunta nomeou ao xornalista Alejandro López Dobarro e ao empresario Manuel Barros Ribadulla novos delegados do Goberno galego en Buenos Aires e Motevideo, respectivamente.

López Dobarro ten dobre nacionalidade e traballou en en distintos medios de comunicación e empresas argentinaas e nos últimos anos foi o secretario de prensa do PP en Arxentina. Pola súa banda, Manuel Barros, naceu en 1945 na Estrada, aínda que leva case 30 anos en Uruguai, onde se labrou unha exitosa carreira como empresario. Primeiro oficial e capitán de buques de Pescanova, foi xerente dunha empresa mixta da compañía en Uruguai e desde a súa chegada a Montevideo implicouse de cheo nas actividades da diáspora galega no país, foi directivo do centro galego e do club español durante dez anos e do Hoggar español durante quince.

Aforro

Coa cobertura dos postos de delegado con persoal residente nos dous países americanos, a Xunta calcula un aforro das compensacións por expatriación, que supuñan unha media do 75% adicional sobre as retribucións establecidas. O decreto de creación das dúas delegacións establece unha equivalencia dos delegados cos subdirectores xerais, que perciben 52.386 euros, de acordo coa vixente Lei de orzamentos da comunidade. Como ata agora a delegada era unha cidadá galega desprazada, a súa indemnización por desprazamento ascendía a 36.924 euros (3.077 euros mensuais.

Este aforro súmase ao recorte de gastos xa anunciados, derivado do cambio de situación da sede da delegación en Buenos Aires, que repercutirá nun aforro do 50% do que viña gastando.

Persoal en Montevideo

Ademais, dotarase de persoal administrativo á delegación uruguaia e créase unha nova praza para coordinar e dinamizar proxectos e programas en materia de mocidade, desenvolve de iniciativas asociativas, emprendedores e desenvolvemento tecnolóxico das entidaddes galegas, con responsabilidades de traballo, tanto en Buenos Aires como en Montevideo.