(14/10/2020)
A Comisión Permanente reúnese este xoves para debater sobre a adquisición da nacionalidade
Crónicas da Emigración
E. C., Vigo | 13 de outubro de 2020.
Os membros da Comisión Permanente do Consello Xeral da Cidadanía Española no Exterior (CGCEE) reuniranse este xoves para debater sobre a adquisición da nacionalidade por parte dos descendentes e a nova Lei de Memoria Democrática que inclúe o acceso á nacionalidade pero non recolle os supostos que se deixaron fóra na Lei de Memoria Histórica e, ademais, restrinxe a adquisición ao exilio político, deixando fóra a aqueles que tiveron que emigrar por cuestións económicas.
Este encontro levarase a cabo a pedimento da Comisión de Dereitos Civís que enviou unha carta ao presidente do Consello e á administración solicitando unha reunión urxente sobre este tema.
A reunión, que nun primeiro momento ía celebrarse o día 22, adiantouse para este xoves día 15, a pedimento de moitos membros do CGCEE que consideran que é un tema urxente.
Desde diferentes sectores da emigración reclamaron que se inclúa nos supostos de adquisición da nacionalidade a aquelas persoas que tiveron que emigrar por causas económicas, así como aos fillos que eran maiores de idade cando os seus pais adquiriron a nacionalidade, a aqueles que a perderon por non ratificala ao cumprir a maioría de idade e aos netos dos emigrantes que se tiveron que nacionalizar para conseguir o sustento.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas