(21/12/2020)
O Goberno fixa as eleccións aos CRE entre o 13 e o 27 de maio
Crónicas da Emigración
Redacción, Madrid | 20 de decembro de 2020
Un momento das últimas eleccións ao CRE de Caracas.
As eleccións aos CRE (Consellos de Residentes de Españois) celebraranse entre o 13 e o 17 de maio, segundo as instrucións que o Ministerio de Asuntos Exteriores, Unión Europea e Cooperación remitiu aos consulados que teñen dereito a contar cun CRE e nas que se establece como datas preferentes o 15 e 16 de maio.
Estas instrucións non recollen a solicitude que fixo a Comisión Permanente do Consello Xeral da Cidadanía Española no Exterior (CGCEE) que pedía que, tendo en conta que desde o 2018 non se celebra o Pleno anual, alongáse dous anos máis o mandato deste órgano e, consecuentemente, se atrasan as eleccións dos CRE. A postura que expuxo a Permanente chocou coa que manifestaron algúns conselleiros, sobre todo de Europa, que pedían que se mantivese a convocatoria electoral para o primeiro semestre do ano, tal e como estaba previsto desde hai anos.
Nas instrucións enviadas aos consulados, recóllese que o próximo 26 de xaneiro se abre o prazo dun mes para convocar as eleccións aos CRE. Unha vez convocadas as eleccións, as candidaturas teñen ata o 1 de abril para presentar as listas e, a partir de aí, entre 30 e 40 días hábiles para celebrar as eleccións, é dicir entre o 13 e 27 de maio, con preferencia para o 15 e 16 de maio.
Poderanse constituír un CRE en todas as circunscricións onde haxa máis de 1.200 españois rexistrados no Censo Electoral de Residentes Ausentes (CERA) e naqueloutras nas que, aínda que teñan menos españois rexistrados, conten actualmente cun Consello de Residentes Españois constituído.
Unha vez que estean constituídos os CRE pasarase a elixir os representantes no CGCEE.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas