(10/08/2009)
Máis de 15.000 inmigrantes e retornados reciben axudas da Xunta
En Galicia viven preto de 95.500 inmigrantes, máis do 3% do total da poboación galega
REDACCIÓN - SANTIAGO Máis de 15.000 inmigrantes e emigrantes retornados de Galicia reciben axudas da Secretaría Xeral de Emigración da Xunta, que pretende fomentar a integración sociolaboral e o multiculturalismo na comunidade. Por iso, o organismo da Xunta aumentou a contía das subvencións destinadas a asociacións galegas dedicadas a estes colectivos. En total, 66 institucións presentaron solicitudes para recibir estas axudas en 2009.
Para a Xunta, "un dos maiores desafíos da poboación inmigrante é articularse" para ter unha participación "efectiva" na sociedade.
Actualmente, 95.500 inmigrantes viven en Galicia. Entre eles, hai 37.800 que son emigrantes retornados, o que sitúa a Galicia como a terceira comunidade que máis españois procedentes do estranxeiro recibe.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas