O secretario xeral da Emigración, Antonio Rodríguez Miranda, mantivo unha reunión co director da Academia Galega do Audiovisual, Miguel Mariño, para difundir a cultura galega a través dos centros do exterior grazas ao Ciclo Mestre Mateo.

Deste xeito, a colaboración da Secretaría coa Academia permitirá que os centros galegos que así o desexen poidan colaborar na difusión do audiovisual feito en Galicia para promocionalo tanto entre as e os seus asociados como entre os propios cidadáns e cidadás dos lugares onde se atopen as entidades.