(12/08/2009)
O Hospital do Centro Galego de Bos Aires e Galicia Emigración forman enfermeiras para a Terceira Idade
Correspondente - Bos Aires - 12-08-2009 Hoxe, mércores 12 de agosto, ás 17,00 horas, o primeiro piso do Hospital do Centro Galego de Bos Aires acollerá a presentación oficial do Programa de Formación para Auxiliares de Enfermería en Xeriatría, organizado pola entidade médica en colaboración coa Fundación Galicia Emigración. A través deste proxecto, 20 mulleres da colectividade española recibirán os coñecementos indispensables para ofrecer a mellor atención aos pacientes de maior idade.
Hospital do Centro Galego de Bos Aires
.Non é a única novidade que ofrece o Hospital do Centro Galego de Bos Aires. Un día logo da apertura do curso para atender a pacientes da terceira idade, a institución médica inaugurará un total de 12 camas novas de Terapia Intensiva, que se suman ás dez que xa existían no centro. Deste xeito, a oferta do Centro Galego neste departamento elevarase a 22 camas.
O Centro Galego de Bos Aires, constitúe un verdadeiro símbolo e exemplo de labor social, que deron e dan os galegos en Arxentina, capaces de soster o máximo nivel de esforzo, construíndo un hábitat de contención para os inmigrantes. Brinda educación, achega á cultura, pero ademais desenvolve un importante labor sanitario a través do seu hospital que é, sen dúbida, o segmento de maior desenvolvemento e transcendencia para toda a colectividade, hoxe aberto a toda a comunidade.
Aos 103 anos da súa fundación, o Hospital do Centro Galego de Bos Aires avanza fortalecido polo crecemento alcanzado. Os cambios estratéxicos adoptados polos seus directivos, en representación dos seus socios; o oportuno achegue económico e técnico recibido fundamentalmente de parte do Goberno da Xunta de Galicia, a través da Fundación Galicia Saúde, son a mellor garantía dun cambio moi positivo e visible.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas