O secretario xeral da Emigración, Antonio Rodríguez Miranda, recibiu hoxe a un emprendedor retornado de Cuba, Miguel Ángel Alvelo Céspedes, que puxo en marcha en Galicia un proxecto empresarial dedicado a ofrecer conservas e embutidos galegos desde Baiona.

Miranda destacou a aposta polos produtos galegos deste emprendedor, neto de veciños de San Cibrao en Lugo, que distribúe as súas conservas por toda Europa e incluso na propia Cuba. O secretario xeral da Emigración destacou que “dende a Xunta de Galicia apostamos polo retorno dos nosos galegos, porque, como no caso de Ángel Alvelo, traen consigo experiencia e iniciativa empresarial que axuda a impulsar a nosa economía e a nosa sociedade”, explicou Miranda.