(08/09/2009)
O Centro Social San Xoán Bautista de Carballo presentará a finais de mes un amplo programa destinado á inserción laboral. Antes, o vindeiro luns 14, xa comezará o de axuda a domicilio e xeriatría, financiado pola Secretaría Xeral de Emigración da Xunta, destinado a emigrantes e retornados. Os interesados poden informarse na conserjería do centro, ou chamar ao 981 757 160.
Cáritas
Doutra banda, Cáritas Interparroquial sinala nunha nota que agradece a roupa que os veciños doan para o roupeiro e a tenda solidaria, «pero, tendo en conta da gran cantidade de roupa recibida, e que o almacén está saturado, ata novo aviso non se pode recoller máis». Axiña que como quede espazo dispoñible no roupeiro, a entidade dará aviso de que xa se pode aceptar outra vez.
Finalmente e con motivo das festa dos Milagres de Caión, a parroquia San Xoán Bautista prepara unha camiñada. Os participantes estarán acompañados polo sacerdote Daniel Pérez Espasandín, chegado recentemente a Carballo . A marcha levará a cabo o día 8. A saída será do atrio da igrexa ás 3.00 da mañá, co que os peregrinos chegarán á primeira misa.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas