Estrea do filme sobre o rescate de 51 inmigrantes polo pesqueiro «Francisco e Catalina»

(14/09/2009)

Estrea do filme sobre o rescate de 51 inmigrantes polo pesqueiro «Francisco e Catalina»
Autor:
La Voz
Data
12/9/2009
O Centro Sociocultural Caixa Galicia (Policarpo Sanz 21) acollerá os próximos días 17 e 18 a estrea de Malta Radio. Trátase dunha película-documental dirixida por Manuel Menchón que narra, a través dos propios protagonistas, a experiencia vivida pola tripulación da embarcación Francisco e Catalina e os 51 inmigrantes que rescatou cando navegaban á deriva nunha patera en augas do mediterráneo. «Trátase dunha historia que aúna a solidariedade da xente do mar e o drama da inmigración ilegal e que non deixa a ninguén indiferente», afirma a produtora.

O documental, que tardou tres anos en fraguarse, entrelaza, respectando o idioma orixinal de cada un dos protagonistas, as valoracións das vivencias de tripulación e inmigrantes, con imaxes de móbil gravadas in situ: desde o avistamento e rescate ata que os inmigrantes pisan terra con certas garantías de acollida, pasando polos días de bloqueo das autoridades maltesas.

Malta Radio conta coa participación de Cidade da Luz, as televisións autonómicas de Andalucía (Canle Sur), Galicia (TVG) e a Comunidade Valenciana (RTVA) así como da Xunta de Andalucía. Na súa banda sonora participan, ademais, Coti, Manu Chao, o rapero Zenit, o cubano Yadam e o músico valenciano Caldo